Library
Profile
ഞാൻ ഭാരതീയൻ
ഞാൻ ഭാരതീയൻ
ധൗതാംബരം ചൂടിയ ഹിമവാന്റെ ചോട്ടിൽ
ത്രിസാഗര സുന്ദരിമാർ താലോലമാട്ടുന്ന
വെള്ളിപ്പാദസര വിഭൂഷിതടനികളാൽ
പുകൾപെറ്റ ഭാരത ഭൂവിൽ പിറന്നു ഞാൻ
ഹൈന്ദവ ക്രിസ്തീയ ഇസ്ലാം മതങ്ങളും
ജൈനനും ബുദ്ധനും പാഴ്സിയും സിക്കും
ഒരു പനിനീർ പൂവുപോലെ ശോഭിതം
ഭവഗവത് ഗീതയും ഖുറാനും ബൈബിളും
ശാന്തി മന്ത്രം പൊഴിക്കുന്ന നാടിതു ഭാരതം
എന്നിലെ തൂലികയ്ക്ക് നിറങ്ങൾ ചാർത്തിയ
എന്നെ ഞാനാക്കി വളർത്തിയ ഭാരതം
മരതക കാന്തി പുതച്ച പാടങ്ങളും
പൊന്നിൻ പ്രഭയാർന്ന ഗോതമ്പു നിലങ്ങളും
പ്രകൃതിതൻ വരദാ
നമായ അരുവികളും
മാമക രാജ്യത്തെ സ്വർഗ്ഗമായി മാറ്റുന്നു
ചരിത്രം സുഖ നിദ്ര പൂകുന്ന ബലി കൂടീരങ്ങളും
ഓർമ്മതൻ തിരമാലകൾ അലയടിക്കുന്ന
സഹന സമരത്തിൻ ഉജ്വല ഏടുകളും
ഐതീഹ്യ പെരുമായാൽ പുകൾപെറ്റ ഭാരതം
പരദേശങ്ങൾക്കു വഴിവിളക്കായി ഭവിക്കുന്നു
ധീരദേശാഭിമാനിതൻ നാടിതു ഭാരതം
അവരുടെ കർമ്മത്താൽ ചിന്താ സരിത്തിനാൽ
വീര ഗാഥകൾ രചിച്ചത് ഞാനോർക്കുന്നു
ഏറിയ ഗർവോടെ ഞാൻ പറയുന്നു
ഞാൻ പിറന്ന നാടിതു ഭാരതം
അഖണ്ഡ ഭാരത നന്ദനോദ്യാനത്തിൽ
പിറക്കുവാൻ കഴിഞ്ഞതല്ലോ മമ ഭാഗ്യം...
