അമ്മയാണ് എനിക്ക് സർവ്വവും

അമ്മയാകുന്നു സ്നേഹവും വാത്സല്യവും

അമ്മയാകുന്നു ദൈവവും സർവ്വവും

അമ്മതൻ അനുഗ്രഹം ഇല്ലെങ്കിലീമണ്ണിൽ

ചേതനയറ്റ ശരീരമതിന്നു സമം.

അമ്മതൻ സ്നേഹത്തിനതിർവരമ്പു തീർക്കാൻ

ആവില്ലൊരിക്കലും ഈ പ്രപഞ്ചത്തിൽ.

അമ്മതൻ കരങ്ങളോളം കരുത്തേകാൻ,

ഇല്ല മണ്ണിൽ മറ്റൊന്നുമേ.

അമ്മതൻ മടിത്തട്ടിൽ തലചായ്ച്ചീടാൻ

കൊതിക്കുന്നിതല്ലോ എൻ മനമെപ്പോഴും.

അമ്മതൻ വാത്സല്യ കരതലസ്പർശ-

മതൊന്നല്ലോ ഞാൻ കൊതിച്ചിടുന്നു.

എൻ മിഴിനീർ കണങ്ങൾ ഉതിരുമ്പോഴും അമ്മതൻ കരസ്പർശനമേറ്റിരുന്നു.

അമ്മയെ വർണ്ണിച്ചീടുവാൻ

വാക്കേതുമേയില്ല എൻ നെഞ്ചകത്തിൽ.

വാനോളം സ്നേഹവും കടലോളം വാത്സല്യവും നൽകുമെൻ അമ്മയെ...

കാൽ തൊട്ടു വന്ദിച്ചു നിന്നിടുന്നു...

കാൽ തൊട്ടു വന്ദിച്ചു നിന്നിടുന്നു.