മൗനം

പ്രതിധ്വനിക്കുന്ന ഗർജ്ജ്നങ്ങൾക്കും മീതെ ഈ മൗനത്തിൻ മാറ്റൊലി...

കാഹളം കൊണ്ടാടിടുന്ന കൊടുംകാറ്റിൻ സമം,

താണ്ടവം ആടീടുന്നു ദിക്കുകൾ തോറും... 

ശക്തിയും, യുക്തിയും, ഉർജ്ജസും  എകും നാവിൽ , 

ഇന്നു മൗനത്തിൻ നിഴൽ ആടി കളിക്കുന്നു... 

ഈരെഴു ലോകത്തിലും മൂർച്ഛയേറും വജ്രായുധം മൗനം... 

മൗനത്തിൻ താഴ്വരയിലേക്കവൾ ഒലിച്ചിറങ്ങി, 

ശബ്ദത്തിന്റ്റെ ഉറവ തേടി അലഞ്ഞു തിരിഞ്ഞു... 

മൂകമാം ആഴിയിൽ വഴി തെറ്റി അലഞ്ഞവൾ... 

ഈ മൗനത്തിനും ഉണ്ട് ഒരു സൗന്ദര്യം, 

വെഞ്ചാമരം വീശി മുത്തു കുട ചൂടിയവൾ പുഞ്ചിരി തൂകി നിന്നു... 

ആ മൗനത്തിൻ അഴകിൽ ആകൃഷ്ടയായി അവളും മൂകാംബികയായി... 

ഏഴു സ്വരങ്ങളും ഒലിച്ചിറങ്ങുന്ന ആഴിതൻ ആഴങ്ങളിലേക്കു നോക്കി ഏകയായി ഇരിക്കുന്നവൾ...