STORYMIRROR

Ajayakumar K

Tragedy Inspirational

4  

Ajayakumar K

Tragedy Inspirational

വിശപ്പ്

വിശപ്പ്

1 min
615

ഭിന്നങ്ങളായുള്ള കർമ്മങ്ങൾ ചെയ്യുന്നു 

തന്നുദരത്തിന്റെ ക്ഷുത്തകറ്റാൻ 

വേഷങ്ങൾ കോലങ്ങൾ കെട്ടുന്നു മാനുഷർ 

ജീവിതയാത്ര തുടർന്നീടുവാൻ 


യുദ്ധവെറിയും പകയും പുലർത്തുന്ന 

ലോകത്തിൻ ശത്രു വിശപ്പു തന്നെ 

അങ്ങകലെ മെഹദിഷുവിൽ പൈതങ്ങൾ 

കാഷ്ടങ്ങൾ പോലും ഭുജിച്ചീടുന്നു 


സൊമാലിയായിലും ദർശിക്കാം ലോകർക്ക് 

പട്ടിണി തന്നുടെ ഘോര വക്ത്രം 

ലോകത്തിൻ മുക്കിലും കോണിലും കണ്ടീടും 

പട്ടിണി തന്നുടെ ദൈന്യ മുഖം 


യുദ്ധങ്ങൾ മാമാങ്കമായി കൊണ്ടാടുന്ന 

ലോകത്തിൻ ഹൃത്ത് കഠോരം തന്നെ 

എന്തെന്തു സ്വപ്‌നങ്ങൾ ചേലെഴും മോഹങ്ങൾ 

എല്ലാം കൊഴിയുന്നു പട്ടിണിയാൾ 


അശാന്തിയാകുന്ന മേഘങ്ങൾ വർഷിക്കും 

പട്ടിണിയെന്നതു ഓർക്കേണം നാം 

വിശപ്പിൻ ഉൾവിളി കേൾക്കാത്ത പാരിടം 

മൃത്യുവിൻ സഞ്ചാര പാതയല്ലോ 


എത്ര മനോജ്ഞമാം സാമ്രാജ്യം തീർത്താലും

പട്ടിണി മണ്ണിൻ പുഴുക്കുത്തല്ലോ 

ക്ഷുത്തകറ്റീടുന്ന മന്ത്രണം നാടെങ്ങും 

തൂകട്ടെ പുത്തൻ വെളിച്ചമായി 


ഈ കണ്ടെൻറ്റിനെ റേറ്റ് ചെയ്യുക
ലോഗിൻ

Similar malayalam poem from Tragedy