പാദമുദ്ര

പിന്തുടരാൻ ഓരായിരം 

കാൽപാടുകൾ മുൻപിലുണ്ട് 

ജനിച്ച നാൾ മുതൽ 

കണ്ടുപഠിക്കാൻ ഓരായിരം 

ഉപമകളെ കാട്ടിതന്നു 

ചുറ്റും നിന്നവർ .

എന്റെ ഭാവിയെ ചൊല്ലി 

ആധിപൂണ്ടവർ പലരേയും 

ഞാൻ തിരിച്ചറിഞ്ഞില്ല.

ദിശ കാട്ടിത്തന്നവർ 

പറഞ്ഞു, അവനെ കണ്ടുപഠി,

ഇവളെ കണ്ടുപഠി,

ഞാനും കുഴപ്പത്തിലായി .. 

കാലങ്ങൾ കഴിഞ്ഞു 

പല കാൽപാടുകൾ  മാറി 

മാറി പിന്തുടർന്നു 

തളർന്നു , മനസു മടുത്തു ..

പൊടുന്നനെ ഒരു മുഴക്കം ,

നിന്റെ പാദമുദ്രയെവിടെ ?

ഞെട്ടിത്തരിച്ചു  ചുറ്റിലും 

നോക്കിയ ഞാൻ എന്നെയല്ലാതെ 

ആരെയും കണ്ടില്ല ..

എന്റെ മാനസാക്ഷി വീണ്ടും 

ആരാഞ്ഞു , സ്വപ്നങ്ങൾ ഇല്ലയോ 

ന

Advertisement

ിനക്കും , സ്വപ്നങ്ങൾക്കു ചിറകുവിരിയുന്ന 

നേരം നിന്റെ പാദമുദ്ര നീ 

കാണും , നിന്നെ പിന്തുടരുവാൻ 

വെമ്പൽ കൊള്ളുമൊരു 

ജനതയെ നീ കാണും ..

ഉണരൂ നീ, ഉൾബലം 

തിരിച്ചറിഞ്ഞു, ചിറകുകൾ 

വിടർത്തി പറന്നു 

പുതിയൊരാകാശത്തിൽ ,

കൂടുവെയ്‌ക്കാം ..

പുതിയൊരു വെളിച്ചം 

വീശിയെന്മേലും, ഉറച്ച മനസാൽ 

ഞാൻ നടന്നു നീങ്ങി .

തിരിക വിളിച്ചവർക്ക് 

നൽകാനൊരു പുഞ്ചിരി 

മാത്രം, നാളയോടൊരു  

ഓർമപെടുത്തൽ മാത്രം .

കാൽപാടുകൾ പിന്തുടരാൻ 

മാത്രമല്ല , എനിക്കും നിനക്കും 

ഉണ്ട് കാലടിപ്പാടുകൾ ..

തിരിച്ചറിഞ്ഞു ഒരു 

വ്യക്തിയായി ഉയർത്തെഴുന്നേറ്റു 

പാറിപറക്കു നീയും ..

ആശംസകൾ ...