പടച്ചട്ട
പടച്ചട്ട
വെളിച്ചം പകർന്നെരിയുന്നൊരാഗ്നി-
ഗോളങ്ങൾ ഇന്നിന്റെ വേരുകൾ
ജ്വലിപ്പാൻ തുനിയുന്നതെന്തിനോ?
അതിജീവനധാര തിരഞ്ഞുപോകു-
ന്നൊരാ വരാഹത്തെപ്പോലതിരുകൾ
ഭേദിക്കുന്നിരുപറ്റം നിറയുമീ
മാനവരൊക്കെയും!
നിസ്തുലസത്യമതു അലിഖിതമെ-
ന്നതറിയെ എൻ നാമമെന്തെന്നു
ചൊല്ലേണ്ടതില്ല ഞാനെങ്കിലും;
പടച്ചട്ടയാലാ കവചം തീർത്തു
ഞാനുഴറുന്നുണ്ടെൻ ലിഖിതസംഹിത-
യിലാഴം തിരയാൻ