അമ്മ

മുലപ്പാലിൻ മണം ഇന്നുമെൻ രക്തത്തിൽ ലയിച്ചുചേർന്നിരിക്കുന്നതറിയുന്നൂ ഞാനിന്നും, ആയുസിന്റെ പകുതിയെത്തുന്നനേരത്തും... !

ചിന്തിക്കാതെ ഞാനാദ്യം പറഞ്ഞവാക്കും അമ്മയെന്ന മധുവൂറും പദം, 

എൻ ചിന്തകളിൽ വന്നുനിന്നുകിന്നാരം

പറയുന്നുണ്ടിപ്പോഴും...!

കാലയവനികയിൽ വന്നു തിരശീലമാറ്റി 

സദസ്യരുടെഎണ്ണമെടുക്കാൻ തുനിയുന്നൂ, 

മഹാമാരികളാൽ കാലപുരുഷനും

അനന്തവിഹായസ്സിലെ അപ്രമാദിത്തവും... !

ഞാനും കാത്തിരിക്കുന്നൂ

വീണ്ടുമമ്മതൻ മടിത്തട്ടിലേക്കുമടങ്ങുവാൻ 

ചൊല്ലുള്ളോരുപിള്ളയാകുവാൻ 

വീണ്ടും അമ്മയുടെ പിച്ചപിച്ചയെന്ന നാദം

കേട്ടാദ്യമായ് നടയൊന്നുവയ്ക്കുവാൻ 

അമ്മയുടെ കൊഞ്ചുന്ന ശാസനയിൽ 

വീടിനകത്തൊന്നു തെറ്റൊന്നോടിക്കളിക്കുവാൻ... !