വ്യക്തിത്വം

ഈ ഭൂവിൽ ജനിച്ചൊരു

സ്ത്രീയാം ഞാനാരെന്ന്

ഒരായിരം വട്ടമെന്നോട്

തന്നെ ഞാനാവർത്തിച്ചു.

ബാല്യത്തിലെന്നെ

ലോകം അദ്ദേഹത്തിന്‍റെ 

മകൾ എന്ന് വിളിച്ചു.

വിവാഹശേഷം ഞാൻ 

അദ്ദേഹത്തിന്‍റെ ഭാര്യയായി.

എന്‍റെ ഉദരത്തിൽ 

നിന്ന് ഒരു പുതു-

ജീവൻ തുടിച്ചപ്പോൾ 

 ഞാൻ അവന്‍റെയമ്മയായി.

ലോകം എനിക്കായി

കല്പിച്ച പേരുകളിലെ

വൈവിധ്യമെന്നേയും

ആശ്ചര്യത്തിലാഴ്ത്തി.

അസ്ഥിരമാമീ പേരു-

കളൊക്കെയും എനിക്ക്

ഏറെ പ്രീയപ്പെട്ടതാണ്.

ഏതൊരു കഴിവുറ്റ

വനിതക്കു പിന്നിലും

പ്രചോദനമായിയൊരു

പുരുഷനുണ്ടാകും.

മകളുടെ സ്വപ്നങ്ങൾക്ക്

പൂർണ്ണ പിന്തുണയേകു-

ന്നൊരു താതനോ, ഭാര്യ-

യുടെ ചിറകുകൾക്ക്

കവചമാകും പതിയോ,

ജനനിയുടെ സ്വപ്നത്തിൻ 

സ്വന്തം ജീവിതവും

സമർപ്പിക്കുമൊരു

വീര പുത്രനൊ.

ലോകനാഥനാം ദൈവ-

സന്നിധിയിൽ ഞാൻ 

പ്രാർത്ഥിക്കുന്നെന്നും

എന്‍റെ സ്വപ്നങ്ങൾ പി-

ന്തുണക്കും മനസ്സുകൾക്കായി