ಮಹಾಶ್ವೇತೆ

ಅಂದು ನವರಾತ್ರಿಯು ಮೊದಲ ದಿನ. ಆ ಶಾಲೆಯ ಮಕ್ಕಳೆಲ್ಲಾ ಬಿಳಿಯ ಯೂನಿಫಾರಂ ಧರಿಸಿದ್ದರು.

ಅಂದು ಆ  ಸರ್ಕಾರಿ ಶಾಲೆಗೆ ಹೊಸದಾಗಿ ಒಬ್ಬ ಉಪಾಧ್ಯಾಯಿನಿ ಬರುವರೆಂಬ ಸುದ್ದಿ ಶಾಲೆಯಲ್ಲಿ ಹರಡಿತ್ತು. ಆ ಶಾಲೆಯಿಂದ ಈಗ ಒಂದು ತಿಂಗಳ ಹಿಂದೆ ಬೇರೆ ಊರಿಗೆ ವರ್ಗಾವಣೆ ಆಗಿ ಹೋಗಿದ್ದ ಕನ್ನಡ ಉಪಾಧ್ಯಾಯಿನಿ ಶಾಂಭವಿ ಟಿಚರ್ ಬದಲಾಗಿ ಬರುತ್ತಿದ್ದ ಆ ಹೊಸ ಟಿಚರ್ ನ ಹೆಸರು ಯಾರಿಗೂ ಸರಿಯಾಗಿ ತಿಳಿದಿರಲಿಲ್ಲ. ಮಕ್ಕಳೆಲ್ಲರಿಗೂ ಅಂದು ತಮ್ಮ ಶಾಲೆಗೆ ಬರುವ ಹೊಸ ಟಿಚರ್ ಬಗ್ಗೆ ಎಲ್ಲಿಲ್ಲದ ಕುತೂಹಲ. ಕಡೆಗೂ ಆ ಹೊಸ ಟಿಚರ್ ನ ನೋಡುವ ಸಮಯ ಬಂದೇ ಬಿಟ್ಟಿತು.

ಅಂದು ಸ್ಕೂಲ್ ಬೆಲ್ ಹೊಡೆದು ಎಲ್ಲರೂ ಪ್ರಾರ್ಥನೆ ಗೆ ಸೇರಿದಾಗ, ಸಭಾಂಗಣದಲ್ಲಿ ಹೊಸ ಟಿಚರ್ ನಿಂತಿರುವುದನ್ನು ಮಕ್ಕಳು ಗಮನಿಸಿದರು. ಆ ಹೊಸ ಟಿಚರ್ ಎಲ್ಲರಿಗಿಂತಲೂ ಭಿನ್ನವಾಗಿರುವುದನ್ನು ಗಮನಿಸಿದರು. 

ಶುಭ್ರ ಬಿಳಿಯ ಬಣ್ಣದ ಮಿರ ಮಿರನೆ ಮಿರುಗುವ ರೇಶ್ಮೆಯ ಸೀರೆ ,ಅದಕ್ಕೆ ಒಪ್ಪುವಂತಹ ಕುಪ್ಪಸ,ಬಿಳಿಯ ಬಿಂದಿ, ಬಿಳಿಯ ಬಳೆ ಮತ್ತು ಕಿವಿಗೆ ಮುತ್ತಿನ ಓಲೆ, ಎಲ್ಲವೂ ಬಿಳಿಯದೇ. ನೋಡುವುದಕ್ಕೂ ಬೆಳ್ಳಗಿದ್ದ ಚಿಕ್ಕ ವಯಸ್ಸಿನ ಆ ಟಿಚರ್ ಎಲ್ಲರ ಆಕರ್ಷಣೆಯ ಕೇಂದ್ರ ಬಿಂದು ವಾದುದು. ಶಾಲೆಯ ಹೆಡ್ ಮಾಸ್ಟರ್ ಹೊಸ ಟಿಚರ್ ಅನ್ನು ಎಲ್ಲರಿಗೂ ಪರಿಚಯ ಮಾಡಿಸಿಕೊಡುತ್ತಾ,

",ಮಕ್ಕಳೇ ಇಂದು ನಮ್ಮ ಶಾಲೆಗೆ ನಿಮ್ಮ ಶಾಂಭವಿ ಟಿಚರ್ ನ ಬದಲಾಗಿ ಹೊಸ ದಾಗಿ ಬಂದಿರುವ ಈ ಟಿಚರ್ ನ ಹೆಸರು 'ಮಹಾಶ್ವೇತೆ'ಎಂದು ಹೇಳಿದಾಗ, ಎಲ್ಲಾ ಮಕ್ಕಳಿಗೂ ಆ ಪಿಚ್ಚರ್ ಅನ್ನು ಹತ್ತಿರ ಮಾತನಾಡಿಸಬೇಕೆಂಬ ಆಸೆ ಆಯಿತು. 

ಅಂದು ಪ್ರಾರ್ಥನೆ ಮುಗಿಸಿ ಎಲ್ಲರೂ ತಮ್ಮ ತಮ್ಮ ತರಗತಿಗಳಿಗೆ ಸಾಲಾಗಿ ಹೋಗುವಾಗ, ಮಹಾಶ್ವೇತೆ ಟಿಚರ್ ಅನ್ನು ದಾಟಿ ಹೋಗುತ್ತಿದ್ದರು. ಹಾಗೇ ಹೋಗು ಆಗ ಎಲ್ಲಾ ಮಕ್ಕಳೂ ಆ ಹೊಸ ಟಿಚರ್ ಗೆ "ನಮಸ್ಕಾರ ಮಿಸ್ ' ಅಂತ ಹೇಳಿ ಹೋಗುವಾಗ, ಆ ಹೊಸ ಟಿಚರ್ ನ ಚರ್ಮವೂ ಸಹ ತುಂಬಾ ಬಿಳಿಯಾಗಿರುವುದನ್ನು ಗಮನಿಸಿ, ಒಬ್ಬರ ಮುಖ ಒಬ್ಬರು ನೋಡುತ್ತಾ ಸಾಗಿದರು.

"ಆ ಮಹಾ ಶ್ವೇತಾ'ಟಿಚರ್ ಹೆಸರಿಗೆ ತಕ್ಕಂತೆ ತಮ್ಮ ಚರ್ಮಕ್ಕೆ ಹೊಂದುವ ಬಿಳಿಯ ಬಟ್ಟೆಗಳನ್ನೇ ಧರಿಸಿ 

ಮಹಾಶ್ವೇತೆ ಮೇ ಆಗಿದ್ದರು. ಮಕ್ಕಳ ಕುತೂಹಲ ಕರಗಿ ಭ್ರಮನಿರಸನವಾಗಿತ್ತು.