ಪ್ರೀತಿಯ ಚಿಲುಮೆ

ಚಿಮ್ಮಿತು ಪ್ರೀತಿಯ ಚಿಲುಮೆ ಕಂಡಾಗ ನಿನ್ನ

ಅಂದು ತುಟಿಯಲ್ಲಿ ನಿನ್ನ ನಗು ನೋಡಿದಾಗ 

ಎಷ್ಟೊಂದು ಮಧುರ ಕಳೆದೊಂದು ದಿನವದು

ಕಂಗಳ ನೋಟ ಬೆರೆತಂತ ಕ್ಷಣವದು!!

ಪ್ರೀತಿಯ ಗುಲಾಬಿ ಇಟ್ಟಾಗ ನಿನ್ನ ಕೈಲಿ 

ನಾಚಿ ನೀರಾದೆ ಕೆಂಪುಗೆನ್ನೆಯ ಸೊಬಗಲಿ 

ನನ್ನ ಕೈಯಲ್ಲಿ ನೀ ಕೈ ಜೋಡಿಸಿದಾಗ

ಜೋಡಿ ಹಕ್ಕಿಗಳಂತೆ ಮನ ಹಾರಿತಾಗ!!

ಜೊತೆಯಲಿ ಹೀರಿದಾಗ ಹಣ್ಣಿನ ರಸ

ಕರಗಳಲಿ ರೋಮ ಜುಮ್ಮೆಂದ ಕ್ಷಣ

ಮರೆಯಲಾರೆ ಎಂದಿಗೂ ಮೊದಲ ಭೇಟಿಯ

ಕಳೆಯೋಣ ಪ್ರತಿಕ್ಷಣ ಸವಿಯುತ್ತಾ ಬಾಳರಸ!!