ಒಲವೇ

ಒಡಲ ತುಂಬಾ ಪ್ರೀತಿಯ ಮಲ್ಲಿಗೆ 

ಮುಡಿಸಲೆಂದು ಬಂದೆ ಅಲ್ಲಿಗೆ 

ನಿನ್ನ ಕಣ್ಣಕಾಂತಿಗೆ ಸೋಲುತ ನಿಂತೆ 

ನುಡಿಯುವ ಮಾತು ಮರೆತು ಹೋದೆ 

ಮುಳುಗುವ ಸೂರ್ಯನ ಕಡು ಕೆಂಪು 

ನಿನ್ನ ಕೆನ್ನೆಯ ಹೋಲುತ್ತಿತ್ತು 

ತುಟಿಯಂಚಿನ ಆ ತಿಳಿ ನಗುವಿಗೆ 

ಮನವಿಂದು ಸೋಲುತ್ತಿತ್ತು 

ಉಬ್ಬಿದ ಎದೆ ಸಣ್ಣ ನಡುವು 

ಏನೆಂದು ಬಣ್ಣಿಸಲಿ ಚೆಲುವು 

ಕಾತರದಿ ಕಾದೆ ನೋಡುವೆ ಎಂದು ನನ್ನ 

ನೋಡಿ ನೋಡದವಳಾದೆ ಏಕೆ ಚಿನ್ನ 

ಬಳಿ ಬಂದು ಒಪ್ಪಿಸಬಾರದೆ ನನ್ನೊಲವು 

ಬಕ ಪಕ್ಷಿಯಂತೆ ಕಾಡಿದೆ ನನ್ನ ಮನವು 

ಮುದ್ದಾದ ನಿನ್ನ ಹೆಸರೇ ಪ್ರಿಯ 

ಪ್ರೇಮದಿ ಕರೆಯಲೇಕೋ ಭಯ