ನೋಟ ಬೆರೆಯಲೇ ಇಲ್ಲ

ಕಣ್ಣು ಕಣ್ಣು ಬೆರೆಯಲೇ ಇಲ್ಲ 

ಮನದ ಕಣ್ಮಣಿ ನೀನಾಗಿ ಹೋದೆಯಲ್ಲ 

ಕೈಗೆ ಕೈ ಎಂದೂ ಸೋಕಲೇ ಇಲ್ಲ 

ಹೃದಯ ಬಡಿತವಾಗಿಬಿಟ್ಟೆಯಲ್ಲ 

ನಿಂತು ನಾಲ್ಕು ಮಾತಾಡುವ ಮುನ್ನ 

ಎದೆಯೊಳಗೆ ಮನೆಮಾಡಿಬಿಟ್ಟೆ ಚೆನ್ನ 

ಅನುರಾಗದ ಅಲೆ ಏಳುವ ಹೊತ್ತಿಗೆ 

ನಾಚಿಕೆ ತಬ್ಬಿ ಮೌನವಾದುದೇಕೆ 

ಒಂದೊಂದು ಕ್ಷಣವು ಕಾದ ಸಮಯ 

ಎದುರಿಗೆ ನೀ ಬಂದಾಗ ಇನಿಯ 

ತಬ್ಬಿ ಹಿಡಿವ ಆಸೆಗೆ ಕಡಿವಾಣ ಬಿತ್ತು 

ನಿಮಿಷದಲಿ ನೀನಾದೆ ನನ್ನ ಸ್ವತ್ತು 

ಕಸಿದುಕೊಂಡು ಬಿಡಲೇನು ನಿನ್ನ 

ಒಪ್ಪಿಕೊಂಡು ಅಪ್ಪಿ ಬಿಡುವೆಯ ನನ್ನ 

ಸರಿದು ಹೋಗಲಿ ಇಬ್ಬರ ಈ ಮೌನ 

ಆವರಿಸಿ ಬಿಡು ಬಿಡದಂತೆ ಹೃದಯವನ್ನ