ಕಣ್ಣೀರೆಂದು ಕಡೆಗಣಿಸದಿರು....
ಕಣ್ಣೀರೆಂದು ಕಡೆಗಣಿಸದಿರು....
ಕಣ್ಣೀರೆಂದು ಕಡೆಗಣಿಸದಿರು ಇನಿಯ
ಕಣ್ಣೀರಲ್ಲ ಮನದ ಭಾವವಿದು ಗೆಳೆಯ 11೧11
ಹೃದಯದಿ ಬರೆದ ಪ್ರೀತಿಯ ಕವನ
ಹಾಡಿಹೆನಾ ಬಾನಲಿ ಬಾನಾಡಿಯಾಗಿ
ನಿನದೇ ನೆನಪು ಕಾಡಿಹುದೆನ್ನ
ಎಲ್ಲಿಹೆ ನೀ ಬಳಿ ಸಾರದೆ ಎನ್ನ .... 11 ಕಣ್ಣೀರೆಂದು 11
ಸಂಜೆ ತಂಗಾಳಿ ಸುಡುತಿರೆ ಎನ್ನ
ನಿನ್ನೊಲವ ಸಾಗರದಿ ಮುಳುಗಿಹೆನಾ
ನಡೆಸು ನೀ ಕೈಹಿಡಿದು ಜೀವನ ನೌಕೆ
ತೇಲಿ ಸಾಗುವ ನಾವು ಜೊತೆಯಲಿ ಪ್ರೀತಿಯ ದಡಕೆ.....11ಕಣ್ಣೀರೆಂದು11
ನಲುಗದಿರು ನೋಯದಿರು
ಬಳಿ ನಾನಿರುವೆ ಗೆಳತಿ
ಸಾಗಲೀ ನಮ್ಮೀ ಜೀವನ ಪಯಣ
ಹಾಡುತ ನಿತ್ಯ ಪ್ರೇಮದಾ ಕವನ ... 11ಕಣ್ಣೀರೆಂದು 11
- ರಾಮಮೂರ್ತಿ ಸೋಮನಹಳ್ಳಿ
ನಿವೃತ್ತ ಕಾರ್ಮಿಕ ನಿರೀಕ್ಷಕ ಮಂಗಳೂರು