ಆಕೆ

ನಾ ಸಾಗುತ್ತಿದ್ದೆ ದಾರಿಗುಂಟ 

ತಿರುಗಿ ನೋಡಿದಳು ಆಕೆ 

ಸಂದಿಗೊಂದಲಗಳಲ್ಲಿ ನಡೆದು 

ಹೋಗುತ್ತಿದ್ದಳು ಅವಳು 

ಕಳೆದು ಹೋದ ನೆನಪುಗಳು 

ಒತ್ತರಿಸಿ ಬಿಳಿ ಹಾಳೆಯ 

ಪುಟ ಪುಟಗಳ ನಡುವೆ 

ಆಕೆಯ ಪ್ರತಿಬಿಂಬ ಅಚ್ಚೊತ್ತಿ 

ಪುಟ ತಿರುವಿ , ಆಳ ತಿಳಿಯದೇ

ಪದೇ ಪದೇ ಬರೆದ 

ಹಾಡಿನ ನಿನ್ನೆಗಳೆಲ್ಲಿ .....?

ರಾಶಿ ರಾಶಿ ಕನಸು ಗೀತೆಯ 

ಬಾನ ನಕ್ಷತ್ರದ ತೊಟ್ಟಿಲಲ್ಲಿ 

ನೆರಳು ಸರಿದಂತೆ 

ನೆಲಕ್ಕಂಟಿದ ಗುರುತ ,

ಕನವರಿಕೆ, ಸಂಕಟಗಳು 

ತುಟಿಯಂಚಿನಲ್ಲಿ ಆರಿದೆ ಆಸೆ 

ನಡು ರಾತ್ರಿಯಲ್ಲಿ ಕನಲಿದ

ಅಂತರಂಗದ ಏಕತಾನತೆಗೆ ಬೆದರಿದ 

ಪ್ರತಿಬಿಂಬ ಬಿದ್ದು ಅಲುಗಿದಂತೆ 

ತೆರೆದ ಮುಸುಕಿನಲಿ ಇರಲಿಲ್ಲ ಆಕೆ 

ತಿರುತಿರುಗಿ ಸುತ್ತುಮುತ್ತು ಅಲೆದು

ಸವೆದ ಬೆಳಕು ದಾರಿಗುಂಟ 

ದೋಣಿ ಸಾಗಲು ನೀರುಸಾಲದೇ

ನಿಂತ ನೀರುಗಳಲ್ಲಿ ಕುಲುಕುತ್ತಾ ಹೋದಲ್ಲಿ 

ಕಣ್ಣರಳಿಸಿ ನೋಡಿದಳು ಅವಳು ....