ಆಡುವ ಮಾತೆಲ್ಲ
ಆಡುವ ಮಾತೆಲ್ಲ
ಇರೋದು ಜೀವನ ನಾಲ್ಕು ದಿವಸ
ಅರಿಯರು ಯಾರು ಯಾರ ಮನಸ
ಆಡುವರ ಬಾಯಿ ಮುಚ್ಚೊಕೆ ಆಗೊಲ್ಲ
ದೇವರಾಣೆ ಮೆಚ್ಚಿಸೋಕಾಗಲ್ಲ
ಇದೇ ಅಲ್ಲವೇ ಕಲಿಗಾಲ
ಒಳ್ಳೆಯದು ಮಾಡಲಾರ
ಮಾಡುವವರ ನೋಡಲಾರ
ಮೌನವಾಗಿಯೂ ಇರಲಾರ
ಕೆದಕಿ ಹಾಕುವ ಉಪ್ಪು ಕಾರ
ಇದೇ ಅಲ್ಲವೇ ಕಲಿಗಾಲ
ಮಳ್ಳಿಯಂಗೆ ಇರಬೇಕು
ಕಾಲಕ್ಕೆ ಬಣ್ಣ ಬದಲಿಸಬೇಕು
ಆಡಂಬರದ ನಾಟಕೀಯಕೆ
ಹಾಕುವರು ತಳುಕಿನ ಹೊದಿಕೆ
ಇದೇ ಅಲ್ಲವೇ ಕಲಿಗಾಲ
ಸತ್ಯವೇ ತಾಯಿ ತಂದೆ
ಎನ್ನುವರು ಎಲ್ಲರ ಮುಂದೆ
ತಮ್ಮ ಬುಡಕೆ ಬಂದಾಗ
ತಪ್ಪು ಅರಿವರು ನೋಡಾಗ
ಇದೇ ಅಲ್ಲವೇ ಕಲಿಗಾಲ