ಭಾರತಭೂಮಿ

ಭೂಮಂಡಲದ ಮುಕುಟ ಮಣಿ

ಈ ನನ್ನ ಭಾರತ ಭೂಮಿ

ದೇವತೆಗಳ ಪರಮ ಪ್ರೀತಿಯ ಭುವಿ

ಈ ನನ್ನ ಜನ್ಮ ಭೂಮಿ

ಸ್ವರ್ಗಾಪವರ್ಗದ ಮಾರ್ಗ ತಂಗುದಾಣ

ಈ ನನ್ನ ಮಾತೃ ಭೂಮಿ

ದೇವಗಂಗೆ ಇಳಿದು ಬಂದ ಧರೆ

ಈ ನನ್ನ ಭಾರತ ಭೂಮಿ

ಭವ ಸಾಗರ ದಾಟಿಸುವ ಮುಕ್ತಿ ಸ್ಥಳ

ಈ ನನ್ನ ಜನ್ಮ ಭೂಮಿ

ಸುಕೃತಿ ಚೇತನರ ಪ್ರಸವ ಭೂಮಿ

ಈ ನನ್ನ ಮಾತೃ ಭೂಮಿ

ಬ್ರಹ್ಮ ಜ್ಞಾನಿಗಳ ತಪೋಭೂಮಿ

ಈ ನನ್ನ ಭಾರತ ಭೂಮಿ

ಭಗವದವತರಣಿಕೆಗಳ ಪಾವನ ಧರಣಿ

ಈ ನನ್ನ ಜನ್ಮ ಭೂಮಿ

ಹರಿ ಹರರ ಆವಾಸದ ಮೇರು ಭೂಮಿ

ಈ ನನ್ನ ಮಾತೃ ಭೂಮಿ

ಹಿಮಗಿರಿ ಮುಕುಟಧಾರಿಣಿ ಸಮನೋಹರಿ

ಈ ನನ್ನ ಭಾರತ ಭೂಮಿ

ಸಂತಮಹಾಂತರು ಜನಿಸಿದ ಧರ್ಮ ಭೂಮಿ

ಈ ನನ್ನ ಜನ್ಮ ಭೂಮಿ

ದೇಶಭಕ್ತ ಹುತಾತ್ಮರ ವೀರ ಭೂಮಿ

ಈ ನನ್ನ ಮಾತೃ ಭೂಮಿ

ವಿಜ್ಞಾನ ತಂತ್ರಜ್ಞಾನದ ವೈಜ್ಞಾನಿಕ ತಾಣ

ಈ ನನ್ನ ಭಾರತ ಭೂಮಿ

ವಿಶ್ವ ಭೂಪಟದೊಳು ವಿರಾಜಿತೆ ವಿಜೇತೆ

ಈ ನನ್ನ ಜನ್ಮ ಭೂಮಿ

ನನಗೆ ಜನ್ಮ ನೀಡಿದ ನನ್ನ ಹೆಮ್ಮೆಯ ದೇಶ

ಈ ನನ್ನ ಮಾತೃ ಭೂಮಿ

ವಂದೇಮಾತರಂ