लॉकडाउन के बात

आई आई बताई तोके

लॉकडाउन के बात

एक त मिया सुथर

ऊपर से खईलस प्याज

एनबीएफसी मानल नइखे

मोरेटोरियम के बात

आई आई बताई तोके

मजदूरन बाटे सड़क पर

धिया-पुता साथ

जरल दुपहर आन्हर रतिया

नइखे दिया बात

भूखल देह पियासल मनवा

छतिया पिटत हाथ

आई आई बताई तोके

अबकी जाइब त कबहु न आइब

दिल्ली बम्बई गुजरात

मिली चाहे टूटल मडैया

चाहे सुखल भात

एक चवन्नी नइखे भेटल

बीस लाख करोड़ के सौगात

आई आई बताई तोके।