भोजपुरी गजल-जब बसर होला।

केहु के नेह मे देह के ना खबर होला|

प्रेम के रोग ह ई बड़ा जहर होला|

केतनों समझावे केहु कबों ना मानेला|

बहक जाला कदम अइसन ई डहर होला|

प्यार तोहसे ना करी ई का कहलू तू|

चाहे करा रुसवा तनको ना असर होला|

दिहला काहे दिल तू बोला ये बिधाता|

निकसे ना केहु दिल जब उ ठहर जाला|

मिले प्यार मे धोखा ई का जरूरी बा|

खा के ठोकर भी ना केहु सुधर जाला|

बनल दुशमन जमाना राह मोहब्बत मे|

प्यार भइला के रूप ना उमर होला|

प्यार ना करी त का करी दुनिया मे|

बहे आँख से आँसू दिल केहु बसर होला|