યાદોની કબર

સનમ બેવફા છે,

દિલ મારુ ખફા છે,

સંજીવની લઈ આવો કોઈ,

કરવત મારેલી રોમેરોમમાં છે!

રોમે રોમ આજે સળગી ઊઠી છે,

એ યાદોની કબરમાં,

કાંટા વેરે છે તું હરરોજ,

એ યાદોની કબરમાં,

મીણબતી પણ પીગળી ગઈ એની અદાથી,

આગ હવે ભભૂકી છે મારા હૃદયમાં,

શાને ઠારું એ ઉકળતા લાવાને,

અખંડ અગ્નિ મૂકી ગઈ એ,

મારા રોમે રોમમાં,

છોડી દીધી એની ગલીઓ આજે,

પગને સાંકળથી બાંધ્યા છે આજે,

પણ યાદોનો પટારો છે તારો,

જેનું તાળું જ નથી શોધેલું !

વ્યથાનાં રોજ કૂંપળ ફૂટે છે,

મેલી ચાદર રોજ અહીં ધોવાય છે‍ !

ધોબણ બની છે આંખો મારી,

ને પાંપણ દોરી થાય છે,

છતાં ખુશ થાવ એ દુવા છે તમને,

ફરી નવું રમકડું શોધો નહીં,

એ અરજ છે તમને,

નશો છે અહીં રોજ જુગાર રમવાનો બજારમાં,

દાવ પર રોજ લગાડે નહીં તું કોઈને,

કદાચ ઘા માર્યો તે મટી જશે !

પણ આ તો દાજ્યાનો ડાઘ છે,

જતો નથી, નિશાની આપીને ! 

ખુદાની આંખમાંથી પણ લોહી વહે છે !

 એ યાદોની કબર પર,

જ્યા હંમેશાને માટે ડાટી દીધા છે આપે મને ‍‍!