વ્યસ્તતાનાં વાંકે

ઊગતી દરેક સવારની મજા રહી અધૂરી, વ્યસ્તતાનાં વાંકે.

વર્ષોથી ઊંઘ જાણે થઈ શકી ન પૂરી, વ્યસ્તતાનાં વાંકે,

જિંદગીની મીઠાશ જે મમળાવવી હતી 

બની ગઈ તીખી, ખાટી, કડવી ને તૂરી, વ્યસ્તતાનાં વાંકે,

તમન્નાઓ જે બધી ઘૂમતી હતી ચોપાસ,

હૂલાવવી પડી ક્રૂરતાથી છૂરી, વ્યસ્તતાનાં વાંકે,

હતી જે ખુશીની ક્ષણો, સાવ હાથવેંતમાં,

અરેરે ! એનાથી રહી કેવી આ દૂરી, વ્યસ્તતાનાં વાંકે,

ખુદ પોતાની જાત સાથે મુલાકાત ન થઈ, 

'મીરાં'ની બધી 'ઝંખના' ગળી ગઈ મજબૂરી, વ્યસ્તતાનાં વાંકે.