દંભ
દંભ
પલટાતા સમય સાથે સંબંધ વ્યવહાર લાગે છે,
અણધારી થતી મુલાકાતોનો પણ ભાર લાગે છે,
ન એ પહેલા સમ દેખાય, ઉત્સાહ અને ઉમંગ !
રંગ બદલતા જમાનામાં બધું પોકળ, અસાર લાગે છે,
લાગણીઓથી લથબથતાં, મેળાવડાં થયાં છે ફિક્કાં !
ભાગતાં લોકોને તહેવાર પણ ક્યાં તહેવાર લાગે છે ?
શૂન્યતાનાં સામ્રાજ્યમાં હીઝરાઈ ચૂકી છે ભાવના,
ઉપરછલ્લી ખુશીઓ એકદંરે અસાર લાગે છે !
દેખાદેખી ને વળી દંભ, મિથ્યાડંબરની દુનિયામાં,
તસવીરો થકી દેખાડો કરવા લાંબી કતાર લાગે છે,
'મીરાં'ની બસ 'ઝંખના' કે, શ્યામ વાંસળીથી સૂર રેલાવે.
એક આ કલ્પનાએ સરસ, સમસ્ત સંસાર લાગે છે.