ગમતાંનો ગુલાલ
ગમતાંનો ગુલાલ
સખી, પૂછ નહી કેમ ગાલ લાલ છે,
મારા હૃદિયે પ્રીતમનાં ખયાલ છે !
સખી, આ તો ગમતાંનો કર્યો ગુલાલ છે.
હેલી હરખની ઉછળે ભીતરમાં,
અમથી બદલાય ક્યાં આ ચાલ છે,
સખી,આ તો ગમતાંનો કર્યો ગુલાલ છે.
બંધ, ખુલ્લી આંખે બસ એનો દિદાર છે,
કહું કેમ કેવું મનડું આ બેહાલ છે !
સખી,આ તો ગમતાંનો કર્યો ગુલાલ છે.
લીલી ઓઢી ઓઢણી ને લીલું થયું મન,
ફુલ્યો ફાલ્યો હૈયે લીલેરો ફાલ છે !
સખી,આ તો ગમતાંનો કર્યો ગુલાલ છે.
શમણુંય એનું ને આંખો પણ લાલ છે,
આ તો ઉભરાતું સાજન પર વ્હાલ છે !
સખી, આ તો ગમતાંનો કર્યો ગુલાલ છે.
સોળે શણગાર સજયાં પિયુની વાટમાં,
એ આવે તો દુનિયા બસ કમાલ છે !
સખી, આ તો ગમતાંનો કર્યો ગુલાલ છે.