તારી કમી મહેસૂસ કરી રહી છું.

આ ખીલેલી વસંતને જોઇને

આવી તારી યાદ

આ લીલી વનરાઈ આ ધુમ્મસ

આ ખળ ખળ વહેતા ઝરણા જોઈ

આવી તારી યાદ

ફૂલોમાં તારો ચહેરો નજર આવે

આ પંખીનો સુર લાગે તારો સાદ

સંભાળી સુર વાંસળીના આવે તારી યાદ

આ હવા આવે પાસ થાય તારો આભાસ

લાગે મને જાણે તું મારી આસપાસ

ક્ષણ માટે થંભી જાય મારો શ્વાસ

લાગે મને તું છે મારી પાસ

આ વૃક્ષને વળગેલી વેલડી જોઈ

આવે તારી યાદ

આ મહેકતા ફૂલો અપાવે તારી યાદ

ઝરણાના મધુર ઝણકારમાં

આ મારા કંગનના રણકારમાં

આ ઝાંઝર ના ઝણકાર માં

ગુંજે તારો નાદ વાલમ

આવે મને તારી યાદ