વીતતાં વર્ષે
વીતતાં વર્ષે
લો આજે આવી ગયો, વર્ષનો દિવસ આખરી,
થોડીક વાતો શાંત ચિત્તે, મેં મારા મન સાથે કરી !
શું કર્યું મેં ? કેમ કર્યું ? કોને માટે કરતી રહી ?
સવાલો હતાં આરપાર, દિલ પર બની છરી,
વીતતી પળો, ઘડી ને પ્રહર સાથે જિંદગી,
શું પામ્યું ? શું ખોઈ બેઠી ? પીડા હતી એ આકરી !
સરવૈયા મેં માંડ્યા સંબંધે, વાર્ષિક હિસાબોનાં,
લે આ શું ? નફાનું નહીં નામ ! ને ખોટ નકરે-નકરી !
દાહ લાગ્યો ભીતરે, દાવાનળે 'ઝંખના' જલી,
પછી 'મીરાં'એ બની ફિનિક્સ રાખમાંથી બેઠી કરી !