મિલન ઝંખના
મિલન ઝંખના
કદીક આપણો પ્રણય આંખે, આશાદીપ થઈ ઝળહળે,
કદીક તારો દીધેલ વિરહ, દરિયો બનીને ખળભળે !
હૃદય છે આ કાચ સમ, નથી કોઈ પતાનો મહેલ!
કે જો તૂટે તો એમ કેમ, આસાનીથી કળ વળે !
બરછટ બની ચૂકી છે, મારી ભીતરની સંવેદના,
ના, તું પ્રેમથી પંપાળ નહીં, છો તે મને હર પળ છળે !
ધૂમાડાને દૂર બેસી, જોયા કરજે તું પ્રિયતમ,
રાખ નીચે અંગાર છે, ઈચ્છાને કહો ચૂપચાપ બળે !
દૂર આમ તો હડસેલીને, બેઠી છું મિલનની 'ઝંખના',
તોય તારી વિરહ વેદના, સામટી જો ટોળે વળે !