વરસાદમાં

યાદો ઘણી એકદમ સતાવે વરસાદમાં,

મર્યાદાઓ ઘણી એ બતાવે વરસાદમાં.

સવાલો તો એના હતા ઘણાય પ્રેમના,

ફરિયાદો સારી એ હટાવે વરસાદમાં.

માંગણીઓ કરતી હતી સતત કેટલીય,

ઈરાદાઓ સારા એ ખપાવે વરસાદમાં.

કરે નહી પુરી માંગણીઓ અગણિત,

અરમાનો ઘણા એ તપાવે વરસાદમાં.

ઈચ્છા હતી મિલનની મુલાકાત પછી,

મુશ્કેલી પાછી એ ધપાવે વરસાદમાં.

સહન થાય નહી વિયોગ હવે વધારે,

પારો પ્રેમનો એ  મપાવે વરસાદમાં.

બધું જ નૌછાવર કરી દીધું છે 'દિન',

સમસ્યા સારી એ ફગાવે વરસાદમાં.