વરસાદ
વરસાદ
વરસાદ કેટલાયને આજે ભીંજવશે
ઘણા ના મનને એ રિઝવશે,
કોઈના પ્રેમનો એકરાર થશે,
તો કોઈના મન બેકરાર થશે,
લોકો એકબીજાને પ્રેમમાં ખીજવશે,
વરસાદ કેટલાયને આજે ભીંજવશે...
કોઈ ખુદમાં જ ખોવાઈ જશે,
તો કોઈ યાદોમાં જ પરોવાઈ જશે,
તો કોઈ ખુદની કળાને ખીલવશે,
વરસાદ કેટલાયને આજે ભીંજવશે...
કોઈ વરસાદનો આનંદ સાથી સાથે લૂંટશે,
કોઈ પ્રેમનાં મીઠા મનામણાં માટે રુઠશે,
એકબીજા માટે પ્રેમ ખૂબ નિતરશે,
વરસાદ કેટલાયને આજે ભીંજવશે...