વૃદ્ધાવસ્થા

અહીંયા મૃત્યુ કરતાં જીવનનો વધુ ડર છે

વૃદ્ધાવસ્થા, જિંદગીની કેવી પાનખર છે ?

જિંદગીના અંકના છેલ્લા ભાગમાં હોય છે હંમેશ કશ્મકશ

જીવતા ના આવડે તો પથ્થર, જીવી જાણો તો જેવર છે,

આ ઘડપણ કોણે મોક્લ્યુંની રહે છે બધાને કમઠાણ

બધાને ઝેલવી પડે વૃદ્ધાવસ્થા, આ જ બધાનું જીવતર છે,

જ્યાં હોય સૂર્યોદય, ત્યાં સૂર્યાસ્ત પણ હોવાનું જ

સ્વીકારી લ્યો પ્રેમથી, અહીંયા બધું નશ્ર્વર છે,

એકલતા, એકાંત અને મૌનના હોય છે પડઘા

જીવનમાં વૃદ્ધાવસ્થા એ અલૌકિક શિખર છે,

વૃદ્ધાવસ્થા અંગે સમજ છે દરેકની પોતપોતાની આગવી

કોઈ માટે છે ચીમળાંયેલ પુષ્પ તો કોઈ માટે સમયે પીસેલું અત્તર છે.