વીજળી
વીજળી
આવે અષાઢી બીજ મલપતી ચમકે આકાશે વીજ !
ઈશ્વરે મોકલ્યું ચોમાસુ, મસ્ત વરસાદી જળ તું સિંચ !
ઘોર ગોરંભાય આકાશ ભારે ગડગડાટ કરે વાદળ !
પથરાય તેજલીસોટા ને કડાકાભડાકા થાય !
ડરાવી દે પ્રકૃતિને આગમન એનું એવું ધમાકેદાર !
વાયરો વીંઝે વીંઝણો ઝીંક કેવી એની જોરદાર !
મોરલાના મીઠાં ટહુકા ને ઢેલ નાચતી ગહેંકે અપાર !
ડરાવે ચમકારા વીજળીનાં તેજ લીસોટા અંકાય !
ભગવાનના ઘરનાં વાગ્યાં નગારા કાજળકાળી રાતે !
વરસે જળ, સજી રમ્ય સ્વરૂપ, સૃષ્ટિ સુંદર નિખરે !
મિત્રતા વાદળ વીજળીની હિંચે, ઊંચે આભને હિંડોળે,
બારે મેઘ થાય ખાંગા તૃપ્ત થાય માનવ, ધરા ને પ્રકૃતિ !
ક્ષણભરમાં થાય વીજળી, ક્ષણમાં સમાઈ જાય !
મોંઘેરો મનુષ્ય દેહ પણ ક્ષણભરમાં રાખ થઈ જાય !
મન મૂકીને વરસે વારિ, માનવ ! તું મન મૂકીને જીવ !
દેહની ક્ષણભંગુરતા સમજી જ્ઞાનનું જળ તું સિંચ !