ચુંબકીય
ચુંબકીય
ખેંચાણ જબરું મને છે તમારું !
એવું તે શું તમારામાં ભર્યું છે ?
ટાંકયાં છે મોર કે જડ્યાં છે હીરા
ઈશ્વરનું નવલું નજરાણું મળ્યું છે !
હું ઉત્તર, તું દક્ષિણ, હું સ્ત્રી, તું પુરુષ !
વિરોધી વાતો કેવી ઠાંસીને ભરી છે !
છતાંય કોઈ ચુંબકીય ખેંચાણ અનેરું,
અમારી ગતિ તમારાં તરફી જ રહી છે !
ઈશ્વરનાં બે કેવાં વિજાતીય અવતાર,
સ્ત્રી ને પુરુષની સુંદર જોડી છે !
પ્રકૃતિનું છે આ અતિ ઉત્તમ વરદાન,
નર -માદા વચ્ચે ચુંબકીય દોરી છે !
લોખંડને આકર્ષવાનો ગુણધર્મ ચુંબકમાં,
પુરુષને આકર્ષવાનો ગુણ દરેક સ્ત્રીમાં,
સ્ત્રી પણ નમે પુરુષનાં પુરુષાતનમાં,
સંસારરથનાં બે પૈડાં છે નર ને નાર !