વિધવા ભાગ-33 પિયુ-પ્રિયા ગીત-ર
વિધવા ભાગ-33 પિયુ-પ્રિયા ગીત-ર
આભાર જરૂર એનો માનવો,
પિયુજી મારા ! આભાર જરૂર એનો માનવો !
એ જી ! જેણે કર્યું આપણું સર્જન રે,
પિયુજી મારા ! આભાર જરૂર એનો માનવો !
ભગવાનની લીલા છે નિરાળી,
ગોરાંદે મારી ! ભગવાનની લીલા છે નિરાળી !
એ જી ! એના થકી જીવે છે સૌ જન રે,
ગોરાંદે મારી ! ભગવાનની લીલા છે નિરાળી !
પ્રભુએ મિલન આપણું કર્યું,
પિયુજી મારા ! પ્રભુએ મિલન આપણું કર્યું !
એ જી ! પ્રભુ ટકાવે આ મિલન રે,
પિયુજી મારા ! પ્રભુએ મિલન આપણું કર્યું !
કુટુંબ ને કૂળને દીપાવજે,
ગોરાંદે મારી ! કુટુંબ ને કૂળને દીપાવજે !
એ જી ! નિષ્ઠા છે સાચું આપણું ધન રે,
ગોરાંદે મારી ! કુટુંબ ને કૂળને દીપાવજે !
મનડાંને તમારાં સંભાળજો,
પિયુજી મારા ! મનડાંને તમારાં સંભાળજો !
એ જી ! આ મોંઘા મૂલું છે આપણું મન,
પિયુજી મારા ! મનડાંને તમારાં સંભાળજો !
દુનિયા સાથે આગળ વધવું,
ગોરાંદે મારી ! દુનિયા સાથે આગળ વધવું !
એ જી ! નીખરશે આપણું જીવન રે,
ગોરાંદે મારી ! દુનિયા સાથે આગળ વધવું !