લાઈબ્રેરી
પ્રોફાઈલ
વિધવા ભાગ-12 વિધવા વિવાહ ગીત-1
વિધવા ભાગ-12 વિધવા વિવાહ ગીત-1
1 min
731
(રાગ-કંકુ છાંટીને લખજો કંકોતરી...)
શુભ મુહૂર્તે લખજો કંકોતરી,
એમાં લખજો સુખી થનારનું નામ
માણેકથંભ રોપ્યો.
ઉજ્જડ સંસાર ફરીથી બંધાણો,
આજે એને નથી જોતાં ધન કે દામ
માણેકથંભ રોપ્યો.
નવા સંસારમાં ખુશી પ્રભુ આપે,
એવા આશીર્વાદ દેજો એને તમામ
માણેકથંભ રોપ્યો.
સંસારમાં હરદમ આગળ વધે,
એવાં કરજો એ દુખિયારીનાં કામ
માણેકથંભ રોપ્યો.
એનો વેલો સદાયે આગળ વધે,
એના હૈયડામાં રહે હંમેશાં હામ
માણેકથંભ રોપ્યો.
સુખ આપ્યું સસરાએ માવતરનું,
તેઓએ અપાવ્યું છે એને સ્વર્ગધામ
માણેકથંભ રોપ્યો.
નવાં સાસરિયામાં સૌનો સ્નેહ મળે,
એની રક્ષાયું કરે ભગવાન રામ
માણેકથંભ રોપ્યો.
એના વિવાહમાં સૌ લોક પધારજો,
આવી દીપાવજો આ નાનકડું ગામ
માણેકથંભ રોપ્યો.
