વિધવા ભાગ-૧ ગામડું

(રાગ-એક વણઝારી ઝૂલણ ઝૂલતી'તી)

એક રૂડું રૂપાળું ગામડું,

એ હૈયે હેતાળું ગામડું;

એમાં રહેતા'તા સંપીને સહુ,

એ રૂડું રૂપાળું ગામડું.

એક-બીજાને લોકો મદદ કરે,

દુખિયા માટે તો સર્વસ્‍વ ધરે;

એ ગામની તો શી વાત કહું !

મહેમાનો આવે તો મરી પડે,

મીઠી વાતોમાં ઊંડા ઊતરી પડે;

બન્‍યા'તા જ્ઞાની તેઓ બહુ,

નાતજાતમાં તેઓ ન માનતા,

સૌની સાથે એકતા રાખતા;

કહેતા, ‘છે સૌનું એક લહુ',

તહેવારોના લોકો ખૂબ શોખીન,

સૌ સાથે રહે, હોય ધની કે દીન;

એવા ગામને તો હું ખૂબ ચહું,

સંપના તો પાઠ સૌને શીખવે,

શાંતિ રાખવા એ સૌને વીનવે;

ને દાખલો બેસાડે હૂબહૂ,

થઈ ગઈ એક દિવસે ભારે,

રડતી હતી બાઈ એક ચોધારે;

એના કલ્‍પાંતની શી વાત કહું!

એ કલ્‍પાંત કરતું ગામડું,