વહી જાય છે

સમયની સરવાણીમાં આ યુગ વહી જાય છે,

કલ્પનાઓની કશિશમાં આ વિચારો વહી જાય છે,

ઉંમરની આ છાયામાં શક્તિ વહી જાય છે,

શબ્દોની આ સોબતમાં બોલી વહી જાય છે,

અમીરની અમીરાઈમાં આ ગરીબી વહી જાય છે,

સમયની સરવાણીમાં આ યુગ વહી જાય છે,

કાલના આ ભવંડરમાં પાપી વહી જાય છે,

આદિત્યના ઓજસથી આ અંધકાર વહી જાય છે,

શરદના શણગારમાં આ ચાંદની વહી જાય છે,

વિચારોની આ કલ્પનાઓમાં કવિતાઓ વહી જાય છે,

અહંકારમાં માનવીનું આ પોતાપણું વહી જાય છે,

સમયની સરવાણીમાં આ યુગ વહી જાય છે.