વેકેશન

કયાંથી આવ્યું આ વેકેશન, 

હવે છોકરાં નહિ કરે લેશન.

નિત નવી સૌ રમતો રમશે,

ને નાની-નાની વાતે લડશે.

મમ્મીનું એ માથું પકવશે,

ફળિયું આખું એ નચવશે.

અહીં ના રમશો,અહીં ના રમશો, 

હર ઘરથી એવી બૂમો પડશે.

કાલે કાચ કમળાકાકીનો તોડેલો,

પરમદિ'એ મીનાનો દરવાજો તોડેલો.

એવી ફરિયાદો ઢગલો આવવાની,

તોયે ટુકડી એની એ જ રહેવાની.

ફળિયાની બહાર જવાના નથી કોઇ,

સૌને બનાવશે કાકી, માસી ને ફોઇ.

નિશાળમાં તમને કેમના સાચવતા,

શિક્ષક તમારા કદી ન રઘવાતા.

અમારાથી નથી આ બે-ત્રણ સચવાતા,

શિક્ષકો કેવી જડીબુટ્ટી હશે અજમાવતા.

કોઇ ન આવે તમારી તોલે,

શિક્ષકની સૌ હરદમ જયકાર બોલે.

અમે ચૂપ કરવા મોબાઇલ વળગાડીએ,

એમ કરીને જાતે છોકરાં બગાડીએ. 

કયાંથી આવ્યું આ વેકેશન, 

હવે છોકરાં નહિ કરે લેશન.