વાસ્તવિકતા

જિંદગી તું કેમ છે આટલી મોંઘી...

તે મલકાઈ જાણે અભિમાનથી,

 કહ્યું કંઈક એવું કે માનવીને,

 હું સસ્તી હોત તો કદર હોત મારી...?

જિંદગી તું કેમ છે આટલી મોંઘી...

' પામવું ' કેમ છે તું આટલું અઘરું...

 તે મલકાયું જાણે અભિમાનથી,

 જો ' પામવું ' હોત સહેલું તો, 

જિંદગી સહેલી થઈ જાય...

માનવી ને માનવીની જરૂર ન રહે,

 કોઈ અમીર ગરીબ ના રહે...

' વિશ્વાસ ' કેમ છે તુંં આટલું કમજોર..?

 તે મલકાયું કંઈક અભિમાનથી એવું,

છે ' વિશ્વાસ ' કમજોર એટલે જ, 

આજે છે માનવી એકલો અટુલો...

જિંદગી તું કેમ છે આટલી મોંઘી.