ઉડી જાને પંખી

ઉંડી જાને પંખી, તું ઉડીજાને રે

આ માયાવી જગમાથી તું ઉડી જાને રે.

લાલચ આપીને તને, ફસાવી લેવાના 

પિંજરે પુરીને તને લાડ લડાવવાના, 

એની મરજી થશે ત્યારે તને રાંધી ખાવાના,

આ માયાવી દુનિયામાંથી તુ ઉડી જાને રે.

પિજરૂ હશે તારૂ સોનેથી મઢેલું, 

ભાવતું ભોજન તને હશે પિરસેલુ,

શિકારી બનીને બિલ્લી તને ભક્ષી જાશે, 

આ માયાવી જગમાથી તું ઉડી જાને રે.

ઉડી જાને પંખી તું ઉડી જાને રે 

આ માયાવી જગમાથી તું ઉડી જાને રે.