થઈ સંક્રમિત હું
થઈ સંક્રમિત હું
થઈ સંક્રમિત ચેપીલા કોરોનાથી હું,
પુરાઈ રૂમમાં હોમક્વોરેનટાઈન બની હું.
ખોવાઈ હું આ ચાર દિવાલોની ભૂલભૂલૈયામાં હું,
ફસાઈ આ કાળમૂખી કોરોનાના ચક્રવ્યૂહમાં હું.
શોધું છું આજ બાળ-મિત્રો- સ્નેહીજનોને હું,
થઈ અચાનક આમ અળગી દુનિયાથી હું.
ખોવાતી દિવાસ્વપ્ન મા સવાર પડતાં જ હું,
ઘેરાતી બિહામણા સ્વપ્નોથી રાત પડતાં જ હું.
કરતી વાતો દિવસે સદા સંગી પડછાયા સાથે હું,
શોધતી રાતે શમણામાં એ મૃગજળી પડછાયાને હું.
વાગોળતી ભૂતકાળને આ શૂન્ય વર્તમાનમાં હું,
નિરખતી ખૂદને ભયનાં ગુમનામ ભવિષ્યમાં હું.
કરી એહસાસ પળેપળ એ સર્વેસ્વરનો હું,
જોડી હાથ માંગતી થોડી હિંમત હું.
કરતી વિનવણી આ જગના નાથને હું,
કરતી પ્રાર્થના આ જગને બચાવવા હું.
થઈ સંક્રમિત ચેપીલા કોરોનાથી હું,
પુરાઈ રૂમમાં હોમક્વોરેનટાઈન બની હું.