તારા સુધી

મારી ખોવાયેલી એ દુનિયા તારા સુધી, 

લાગણીઓના લહેરાતાં એ દરિયા તારા સુધી, 

નાવ બની મઝધારમાં ભટકી રહી છું, 

કોઈ સાહિલ મળશે મને એ કિનારો તારા સુધી, 

પાંદડે પાંદડે સમીર બની ફરક્યાં કરે છે, 

ઝંઝાવાતમાં મળતાં એ આશરા તારા સુધી, 

કંઈ કેટલાય લખ ચોરાશી ફેરા ફરી લીધા, 

તકદીરનાં બનેલાં એ ફેંસલા તારા સુધી, 

જીવનને મહેકાવું છે સારાં વિચારોની સાથમાં, 

વિચારોની એ હેલીનાં સપના તારા સુધી, 

ક્યારેક ખોવાઈ જાઉં છું હું જ મારા અંતર મહી, 

એ જ અંતરનાં તાર જોડાયાં તારા સુધી, 

કાગળ, કલમ, તેની સાથે ઉમડતાં શબ્દોની સાથમાં, 

"સખી" શબ્દનાં મેળે રહીને ફરતાં તારા સુધી.