તારા આંસુ છૂપાવ

શાને મારે તું હવાતિયાં, પ્રેમ શોધવાં કાજ,

તારી આસપાસ જ છું, જરા નજર દોડાવ,

છે પ્રેમનો સવાલ, જરાક તો નજીક આવ,

તોડી બંધનો જગનાં, પ્રેમથી ગળે લગાવ,

જે વચને કર્યો તો પ્રેમ, એ યાદ છે કે ભૂલી ગઈ,

નથી પ્રેમ તો કંઈ નહીં, દુનિયાદારી તો નિભાવ,

અફસોસ એ નથી કે, તું મળવા પણ ના આવી,

તારા કોઈ અંગત પાસે, મારી ખબર તો પૂછાવ,

તું જ કહેતી હતી મને, દૂર થઈશું તો બંને રડશું,

હોય જો હામ હૈયામાં, તો તારા આંસુ છૂપાવ.