સ્વાર્થથી ગુંથાય જો સંબંધો

સ્વાર્થથી ગુંથાય જે સંબંધોની માળા,

રહેતા નથી એ સંબંધો હૂંફાળા,

 છીપમાંજ રહેવાં દો પ્રેમનાં મોતી,

લૂંટાવશો નહીં, એને મારો તાળા,

બંધ આંખે ના, લંબાવો હાથ કદી,

છળી જાય ક્યારેક સ્પર્શો સુંવાળા,

જો જો કાબુમાં, રાખો કદમ કે,

બની જાય ફીસલન એ ચહેરા રૂપાળા,

દેખાય છે ક્યાં, અહીં કોઈને પણ,

અદ્રશ્ય એ અરમાનોના ધુમાડા,

મનની બારીએ હવે ઝાંકવા ન આવો,

કરી દીધા છે મેં કમાડ આડા.