સુરખાબ

સુના સરોવર ગુલાબી ઉત્સવ મનાવે

એવા સુરખાબી ગાન છીએ આપણે

પીંછીમાં રંગ ભરી રંગીએ આકાશ

પોયણીમાં ઉઘડતું પ્રભાત છીએ આપણે

દરિયાને પાર જેના આવાસ હોય

એવા અજાણ્યા રાહ છીએ આપણે

ઝરણાનુ જળ જેમ ખળખળતુ જાય

એવો ખળખળતો પ્રવાસ છીએ આપણે

હોવું તો ઝરણાના ધોધ જેવી વાત

એવા ગુલાબી ખ્વાબ છીએ આપણે

મીઠા મધુર કલરવનો ટહુકો અપાર

એવા આપણામાં મસ્ત છીએ આપણે

નિર્જન કિનારાનું નિરવ એકાંત જાણે

એમાં કલશોરનો નાદ છીએ આપણે

માળામાં હોય ક્યાં આપણા મુકામ

ટુંકી દસ્તકના નામ છીએ આપણે.