સુંદર ગગન

ચંદ્ર સાથે હોય દોસ્તી મારી

ફરવાને આભે નીકળે સવારી

ચાલને વિહરીએ કલ્પનાના એ સુંદર ગગન !

પવન સાથે મસ્તી કરતા

પંખીઓનો કલરવ સુણતાં

ચાલને વિહરીએ કલ્પનાના એ સુંદર ગગન !

ટમટમ કરતા તારલિયા સંગ

ગગન આપણે ઘૂમીએ સંગ

ચાલને વિહરીએ કલ્પનાના એ સુંદર ગગન !

ઝાડ જ્યાં ફરે ગીત ગાતાં

પાન આકાશમાં જઈ ઊડતાં

ચાલને વિહરીએ કલ્પનાના એ સુંદર ગગન !

પ્રાણીઓ મીઠી વાતો કરે

ઝાડ પણ નદીએ જઈ તરે

ચાલને વિહરીએ કલ્પનાના એ સુંદર ગગન !

વાંદરાભાઈ જ્યાં રસોઈ કરે

હોટલમાં જઈ ગીતો ગાતાં ફરે

ચાલને વિહરીએ કલ્પનાના એ સુંદર ગગન !