સરતા વારી

વાદળથી વછૂટ્યા અવનીમાં આવી પડ્યા

એમને નોખા નોખા મળ્યા છે ઠામ,

સરિતા સરોવર ને ખાડા ખાબોચિયા

એમના નોખા નોખા પડ્યા છે નામ,

સરોવરના સંગી એ તૃષા કંઈકની ઓલવી

ખાડા ખાબોચિયાના સંગી બના દુર્ગંધની ખાણ

નદીના નીર ને જે મળ્યા એ પહોંચ્યા સમુદ્રને પેટ

કોઈ ને તાર્યા કોઈ ને ડૂબાડ્યા કેવી એની વેઠ,

ગંગાના નીર ને જે મળ્યા એ થયા છે તીર્થરૂપ

કલાલોના ઘરમાં જે ગયા એને મળ્યું મદિરા સ્વરૂપ

નાના થઈ જે છિપમાં સમાણા મોંઘા એના મૂલ

ગુણ વિના જેને મોટુ થવું મોટી છે એની ભૂલ.