સરકારી નોકરીની હાય હાય

કાચની જેમ ટૂટીને વિખરાય ગઈ જિંદગી મારી,

ઉગી હતી આશાની કિરણ એ અંધારી રાતમાં અટવાઈ ગઈ.

નોટ બનાવવામાં અને કમાવવાના ચક્કરમાં હંફાવી ગઈ,

કોલેજ પ્રવેશ અને નોકરીના આંટાફેરામાં જિંદગી થાકી ગઈ .

રાત દિવસ એક કરી તૈયારી કરી હતી પરીક્ષાની,

પરિણામના ઈન્તેજારમાં બેઠા તો નવું નજરાણું પકડાવી ગઈ.

લોકોનાં મહેણાં-ટોણાં સાંભળવાની તો આદત થઈ ગઈ,

કોઈ હાલ પૂછીને લાગે એવું કે મારી નસીહત થઈ ગઈ.

સરકારી નોકરી પાછળ તો આંધળાની જેમ દોટ મૂકી,

લઈ-લઉં..લઈ-લઉંની લાયમાં તો કૂટી કોડી પણ ખોઈ.

કાગળની ડીગ્રીઓથી અલમારી તો મારી ભરાઈ ગઈ,

"ના ના" ન જાણે કેમ છતાંય મુઠ્ઠી ખાલી રહી ગઈ.