સરદારનું ગીત - ૭પ
સરદારનું ગીત - ૭પ
સરદારી નિર્ણય (ઈ,સ, ૧૯૪૬)
સરદાર, નહેરૂ ને, ઝીણા લંડન જાય રે;
વાટાઘાટો થઈ તેમાં, તેઓ નિરાશ થાય રે,
સરદાર ફરી પાછા, ગુસ્સે થઈ ગયેલ રે;
ક્રિપ્સ ઉપર ગુસ્સાથી, પત્ર એક લખેલ રે,
અંગ્રેજ નીતિને તેણે, ખૂબ જ પારખેલ રે;
ચડાવી લીગને તેઓ, ઝઘડાવી રહેલ રે,
હિંદીઓને દઈ દેવા, સર્વસત્તા કહેલ રે;
મુસ્લિમ લીગ બેકાબૂ, તેથી બની થયેલ રે,
પશુને શરમાવી દે, એવી હિંસા કરાય રે;
અમૃતસર-એબોટા, રકતરંજિત થાય રે,
પંજાબની દશા જોઈ, નક્કી કરી નખાય રે;
બિનમુસ્લિમની સાથે, મુસ્લિમ ન રખાય રે,
પંજાબના કરી ભાગ, જુદા પ્રાંત કરાય રે;
ભાગલા પણ ગાંધીથી, જરાયે ન સહાય રે,
માઉન્ટ બેટને આવી, સ્થિતિ શાંત કરેલ રે;
રમખાણો થયાં બંધ, ભીષણો અટકેલ રે,
શસ્ત્ર ઘૂષણખોરીનું, કાવતરું થયેલ રે;
સરદારે બિછાવેલી, જાળથી પકડેલ રે,
મૂકે ન માગણી ઝીણા, પાકિસ્તાન સિવાય રે;
આપ્યા વિના હવે કોઈ, નો’તો રહ્યો ઉપાય રે,
છોડતા ગૃહખાતું ન, વિચારી સરદાર રે;
દેશ બચાવવા માટે, એમાં એનો વિચાર રે,
વિચાર ભાગલા માટે, નક્કી થઈ ગયેલ રે;
થાય બે ભાગ બંગાળ, શરતમાં કહેલ રે,
છેડો મુસ્લિમ સાથેનો, ગમેતેમ ફડાય રે;
કાયમી ઝઘડા જાય, એ વિચાર કરાય રે,
માની શરત ઝીણાએ, ટેકો દે સરદાર રે;
અખંડ દેશનું સ્વપ્ન, ગાંધીનું હદપાર રે,
**
કઠણ કાળજું રાખી, કરી સ્વીકાર માંગણી;
સહેલ દિલમાં પોતે, ગાંધીની વેદના ઘણી.
(ક્રમશ:)