સરદારનું ગીત-૭૮.

અનેકમાંથી એક-ર (ઈ.સ. ૧૯૪૭)

મેનન ફરવા લાગ્યા, રાજાઓને મળેલ રે;

ને સરદારનું કામ, સરળ થૈ ગયેલ રે.

જોડાવા હિંદની સાથે, ઘણાં તૈયાર થાય રે;

તેઓનાં મનની બીક, ભાગીને દૂર જાય રે.

રાજ્યો એક પછી એક, હિંદ સાથે ભળેલ રે;

જોડાવા અમુકે તોય, આડોડાઈ કરેલ રે.

એ માંહેનું હતું એક, રાજ્ય ત્રાવણકોર રે;

સ્વતંત્ર ટકવા તેણે, ખૂબ કરેલ જોર રે.

પ્રજા ને સરદારે ત્યાં, આંદોલન કરેલ રે;

એની સામે મહારાજા, જલ્દી ઝૂકી ગયેલ રે.

પછી ભોપાળ-ઈંદોર, સ્વતંત્રને મથેલ રે;

બેટનના કહેવાથી, ભોપાળ સમજેલ રે.

ઈંદોરના નરેશે તો, દિલ્લીને પકડેલ રે;

કુંવરી કૌરની પાસે, દસ્તખત કરેલ રે.

જોધપુર મહારાજ, પાકિસ્તાને ઢળેલ રે;

પડોશી રાજનું માની, હિંદ સાથે ભળેલ રે.

શાંતિથી રજપૂતાના, હિંદે થયું વિલીન રે;

એવી રીતે ઘણાં રાજ્યો, ભળ્યાં ભેદવિહીન રે.

નાગપુર-પડોશીને, સરદાર મળેલ રે;

ત્યાં તેઓ રાજવીઓને, ધમકાવી ગયેલ રે.

રહેવા એકલાં ધારી, રે’શો હિંદ બહાર રે;

કરશે બળવો લોકો, નૈ મળે સહકાર રે.

સાંભળી વાત તેઓની, રાજાઓ સમજેલ રે;

જોડાવા હિંદની સાથે, તૈયાર થૈ ગયેલ રે.

ઓરિસ્સાની જરા ઈચ્છા, હિંદમાં ન રહેલ રે;

કટકની સભા માટે, સરદાર ગયેલ રે.

લોકે ફેંકેલ રાજાને, મદદ નૈ અપાય રે.

રાજાએ સાંભળી વાત, ને ઢીલાઢફ થાય રે.

**

મુસીબતો કરી ઓછી, જોડાણ કરતા હતા;

કોઈ રાજા ગયા માની, ને કોઈને મનાવતા.

(ક્રમશ)