સરદારનું ગીત-૭૪

ચૂંટણી પછી (ઈ.સ. ૧૯૪૬)

કરાય ચૂંટણી પાછી, જીતી કોંગ્રેસ જાય રે;

કોઈક પ્રાંતમાં તોયે, મિશ્ર પક્ષ રચાય રે.

સરદાર ફરે ખૂબ, બનીને ચેરમેન રે;

કામ વગર તેઓને, નો’તું પડેલ ચેન રે.

ફરતાં માંદગી પાછી, ખૂબ વધી ગયેલ રે;

તોયે પતાવવા કામ, આરામ ન કરેલ રે.

બ્રિટનથી અહીં પાછું, મંડળ મોકલાય રે;

કોંગ્રેસ લીગને તેઓ, કરવા ખુશ જાય રે.

પણ ખપે ન ઝીણાને, પાકિસ્તાન સિવાય રે;

કામ મંડળનું તેથી, બની નિષ્ફળ જાય રે.

દશા આ વચગાળાની, રચવા સરકાર રે;

એના માટે નહેરૂ દે, ઝીણાને આવકાર રે.

ઝીણા વિરોધમાં જાય, અંધાધૂંધી કરાય રે;

લૂંટાય છે દુકાનોને, હડતાળો પડાય રે.

ઘાયલ થાય રાહીઓ, વાહનો બંધ થાય રે;

ઘણાંની કતલો થાય, ધમાઁતરો કરાય રે.

એના જવાબમાં સામે, હિંદુ-શીખો થયેલ રે;

રકતરંજિત તેનાથી, કલકત્તા બનેલ રે.

નારીઓને ઉઠાવી જૈ, લગ્નો કરી નખાય રે;

લગાડી ઘરને આગ, બરબાદ કરાય રે.

સુણી અંતર ચીરાઈ, ગાંધીજીનું ગયેલ રે;

ને સરદાર આ જાણી, ખૂબ જ ઉકળેલ રે.

મુસ્લિમ લીગનાં વધ્યાં, તોફાનો હદબા’ર રે;

ને સામે વચગાળાની, જોડેલ સરકાર રે.

ઈરાદો નાખવા બાધા, મુસ્લિમોનો રહેલ રે;

અંગ્રેજોએ કરી વાતો, કોમવાદ કરેલ રે.

નાણામંત્રી પદે એનો, લિયાકત રહેલ રે;

કોંગ્રેસની બધી માંગો, નામંજૂર કરેલ રે.

**

સરદાર બધી વાતે, ખૂબ સમસમી જતા;

સત્તા પૂરી મળી નો’તી, સહન કરતા હતા.

(ક્રમશ)