સ્પર્શ

ક્ષિતિજે ધરતી ને આકાશનો સ્પર્શ,

સૂરજની રંગોળી ચમકાવી ગયો, 

સોનેરી કિરણોનો ડાળીએ સ્પર્શ,

ફૂલોને આલિંગન અપાવી ગયો,

મોસમનો થયો એ ઝરમરતો સ્પર્શ,

રોમ રોમ વાદળી વરસાવી ગયો, 

નજરથી નજરનો પહેલો એ સ્પર્શ,

હૃદયમાં સ્પંદન જગાવી ગયો, 

ટેરવાથી થયો એ સુંવાળો સ્પર્શ,

અંતરમાં હલચલ મચાવી ગયો,

આથમતી સાંજનો દરિયાને સ્પર્શ,

સોનેરી સોણલાં કૈં સજાવી ગયો,

સાજનનો સજનીને હૂંફાળો સ્પર્શ,

પાંપણને શરમથી એ ઝૂકાવી ગયો,