સફર

પ્રભુ કેરું વરદાન,બાળનું થાય પૃથ્વીએ અવતરણ,

વર્ષો વધતાં ધીમે-ધીમે વૃદ્ધનું થાય જીવન ઘડતર,

બાલ્યાવસ્થાએ ન કંઈ વિચારો કેરી ઘડમથલ,

ઉંમર વધતાં થાય પરિવાર માટે હરઘડી મનોમંથન,

હસવું, રમવું આનંદને નિ:સ્વાર્થ હોય બાળમન,

હોય ચિંતન સંતાનનું, કે મુક્તજીવને લાગે હરિમન,

ભોળા મનને નહિ નિરાશા, હરપળ હોય આનંદ,

અવસ્થાએ સાથ ન દેતું શરીર, બેચેન રહે તન-મન,

સફર છે જીવન કેરી, બાળથી વૃદ્ધ થતી રહેતી,

કૃપા હોય પ્રભુની, તંદુરસ્ત શરીરને, સારી રહે મતિ.